القليل من الخوف

القليل من الخوف

الاولي

2. القيظ في أغسطس له القدرة على الفتك بجسم الانسان

3. الحرارة والشمس قادرين على أصابتك بضربة شمس قد تجعلك مريضا لأيام

4. الطريق القادم من الحوض القبلي بالعزبة يمر المقابر الممر ملئ بالأشجار قد تتوقف أتساءل باحداهن ولكن الطريق ليس مغري للوقوف فيه أنها المقابر ليلا آو نهارا ينتفض جسمك من القبور او من الأشياء التي تأتي في مخيلتك حينما تسير وحدك

5. وفي وسط المقابر تحديدا سارت المراة ووراءها الفتاة متشحات بالسواد قد تظن انهم ذهبوا هناك من أجل قراءة الفاتحة لقريب آو حبيب آو فقيد والجلوس للعديد واللطم والعويل

6. ولكن انهم كانوا في طريقهم لملاقاة (موسى)

7. على القبر القديم استند برجليه وأسند راسه علي الحائط

8. تبدو ملامح وجهه الاسود والانف المدبب والعينان قد تلمح فيها البياض والسواد ولكن هناك بقع صفراء لا يمكن الا ان تلاحظها

9. الجلباب الازرق ويبدو الوشم علي زراعه اليسري جليا والنقش يصل الي الترقوة ويظهر النقوش علي الرقبة

10. معظمها طلاسم وخطوط احداهن بالسريانية والاخري بالعبرية

11. لاح له قدوم المراءتان من بعيد وحينما اقتربوا

12. :اتاخرتي ليه يا ست فتيحة قولت بعد الضهر طوالي

13. :حقك عليا يا مولانا السماح والنبي انا علي ما الدنيا قيلت والرجل خفت قولت اجي

14. : جيبتي معاكي الحاجة

15. :كل حاجة زي ما طلبت

16. تخرج من الجوال خرقة بالية وليفة حديثة يقطر الماء منها

17. :تمااام كدا خلي ست البنات ترقد علي اللحد هنا

18. :ياخرابي علي اللحد ودا معقول يا سيدنا

19. :اسمعي اللي بقولك عليه لو عاوزاها تخلف وبختها ميبقاش مقندل

20. تحرك موسي نحو الفتاة وجذبها ناحية اللحد

21. :اترزي هنا

22. الفتاة ترتعد فراءصها خوفا ليس من اجل تواجدها في المكان ولكن من اجل نظرات الجحيم التي تخرج من عين موسي باتجاها

23. ولكنها مضطرة لقبول ما يؤمرها بها ولما لا

24. فلم يشفع لها حسن ملامحها ولا عيونها الزرقاء ولا شعرها الاصفر المرسل من تحت حجابها الذي تدلي وانحسر عن راسها

25. همت الفتاة الجميلة قد تخطف لبك ومخيلتك اذا لمحتها صدفة في مكان ما

26. كانت لديها ابتسامة من التي لها مفعول السحر والهيام وضحكة رنانة تجعل قلبك يضطرب كموج بحر هادر علي صخور احد الجزر الاستوائية في الشتاء

27. تزوجت منذ 5 اعوام ب عبذد الحميد ابن العمدة

28. ولم تنجب قال الاطباء حالتها مستحيلة ولن يقدر لها الانجاب مهما حاولت

29. انفطر قلبها هجرها عبد الحميد وقد عاث مجونا وفسادا ومرتكبا للمحرمات اي كانت نوعها

30. صدمة منه حينما قال لها جمالك لعنة

31. فعلا قد حلت عليا لعنة جمالها

32. ا:اسمعي كلام مولانا عشان تحبلي

33. :حاضر

34. بصوت قادم من غياهب الحسرة والبؤس أجابت أمها

35. :انا جيبتلك ليفة الغسل أهي زي ما أمرت وأدى كمان الهدوم آللي كانت لابسها العيل قبل ما يموت

36. قد طلب موسي منها تلك الاشياء من اجل سحر سوف ينفذه لها ويجعل همت تحمل علي حد قوله

37. :هترقدي علي اللحد دا وتحطي الهدوم علي بطنك ومتتحركيش الا لما اقولك فاهمة

38. هزت همت رأسها طوعا بالايجاب

39. امسك موسي باليفة وسكب عليها سائل اسود كاليل وأمر امها ان ترفع العباية السوداء عنها وتشمر اكمام وبدأ موسي بإلقاء العزائم والطلاسم وهو يمسح باليفة علي جسد همت فوق اللحد

40. قد شهد هذا اللحد امس دفن طفل عمره شهر وهو ابن عبد الوهاب شقيق عبدالحميد زوج همت والملابس التي احضرتها فتيحة هي ملتبس هذا الطفل عمران كما كانوا يلقبونه

41. بدأت همت ترتعد و عيناها انحالت اللي البياض التام شهقت فتيحة

42. :البت هتخلص يا موسي

43. :لو عاوزها تحبل خلينا نكمل

44. بدأت تلك الغيمة فوقهم بالانتشار لعلك تتساءل هل يوجد غيوم في أغسطس قطعا لا يوجد ولكن علي حد قول احدهم كانت هناك فوق المقابر

45. بعد حوالي نصف ساعة قامت همت تزحف اسندتها فتيحة

46. وقف موسي مشعلا مبخرته ويدور حولهما وهما واقفتان علي اللحد

47. :تبات الليلة من غير اللمبة الجاز سبع شمعات تولعيهم في اركان الاوضة وتاخد دا تغليه وتشربه قبل ما ترقد

48. :حاضر يا سيدنا يجعل البركة علي ايدك

49. قبلت فتيحة يد موسي وذهب كلا منهم في طريق

50. في اثناء الليل دخل عبد الحميد المندرة ونادي علي همت خرجت له وهي تعرج وليس لديها اي قدرة علي السير

51. :انتي كنتي فين طول النهار مشوفتش خلقتك البهية دي ليه

52. :وانت عاوز تشوف خلقتي ليه... ابوس ايديك اخوك ومراته قلبهم محروق علي ضناهم ارحمني شوية ابوس ايديك

53. :اهم كان عندهم وربنا افتكره الدور والباقي عليا معايا ارض بور مهما راعتها مش هشوف منها ولو حتة نجيلة

54. شعرت همت بدوار و بنار اشتعلت في معدتها لا تدري هل من اثر كلامه او من جراء سحر موسي ولكنها ابتسمت وسارت علي غرفتها

55. هي تعرف ان عبدالحميد سيخرج من اجل سهراته ولن يعود قبل الفجر

56. اخرجت الشمعات من تحت السرير وبدات في اشعالها

57. :والهباب دا انا هشربه دلوقتي منك لله يا أما انت وموسي البتاع دا ريحته تقلب المعدة ولسه هغليه كمان

58. خرجت همت من حضرتها قاعدة المطبخ واحضر السبرتاية ووضعت فوقها الصحن وسحبت السائل وبدأت في إشعال السبرتاية

59. يوه يادي النيلة عليا وعلي اللي جايبني السبرتاية فاضية يعني محدش هان عليه يملاها

60. خرجت قاصدة المطبخ من اجل إحضار السبرتو والعودة اللي حجرتها

61. خرجت العزبة كلها وراء عربات الاطفاء التي كانت تسير بسرعة ناحية بيت العمدة

62. :ولا يا عبد اللطيف في اي ياولا

63. نادي شيخ مسن واقف امام بيته لاحد الشباب الذين يركضون وراء سيارات الاطفاء

64. :دا في حريقة كبيرة أوي ياشيخ يوسف عند العمدة النار مسكت في همت مرات عبد الحميد ابن العمدة ووقعت في الدوار كله

65. :سترك يارب

66. بعد يومين في المشرحة وقف عبد الحميد من اجل استلام الجثة ووقفت فتيحة أمام المشفى تلطم وتضع التراب على رأسها

67. وتصرخ وشرعت في تقطيع ملابسها

68. دخل الدكتور مصطفى مدير المشفى على عبد الحميد والعمدة

69. :البقاء لله يا عمدة ربنا يعوض عليك يا عبدالحميد يابني

70. :ونعمه بالله يا دكتور أجل ربنا بقي

71. :مش عارف أقولك أية بس السبرتو اللي وقع عليها كان سريع الاشتعال ودا آللي خلى النار تمسك جامد فيها

72. :الله يرحمها بقي

73. رد عبد الحميد بحسرة

74. :والله إحنا حاولنا ننقذها هي او حتى الجنين لكن كانت الحروق بقت من الدرجة الأولى لما وصلت المستشفي

75. :جنين آية يا دكتور

76. :همت كانت حامل في جنين عمره شهرين تقريبا يا عمدة

77. ضحك عبد الحميد واستمر في الضحك حتى سقط على الأرض

78. وقفت فتيحة وصرخت

79. :يا همممممممممممممممممممممممممممممت

________________________

80.

الثانية

المغسلة

دخلت المنزل قاصدة الحجرة مذعورة اوت الي الفراش حسنا لم يات اليل اصلا ولكنها تدثرت مرعوبة دخل زوجها عليها الحجرة

:الله انتي هتنامي دلوقتي دا احنا لسه العصر

ردت قائلة :النبي الهي يسترك سيبني ولا عاوزة اكلم حد ولا افتح حنكي

انا جتتي مش خالصة

:مالك يا ولا في اية حد كلمت في الميتة

متجبليش سيرة الميتة جتتي مش قادرة تتلم علي بعضها سيبني

:قومي هنا قوليلي اية اللي حصل

طوت الغطاء الصوف عليها واعتدلت علي السرير ونظر ناحية الباب

:قوم سك باب الدار والشباك وهحكيلك

:حصل اية ولا شوفتي اية يا مقندلة ؟!!

البت اللي مات دي كانت يا ضنايا وردة بيضة دي اكيد نفس وحشة وصابتها او عين جابت اجلها دي كانت زي القمر ياحبيبتي

: جري اية يا ولية يا هبلة بقي بتشتغلي مغسلة من وانت لسه مجتلكيش الدورة تقومي وانت متجوزة وعندك عيال شحوطة جاية وكانك قاطعة الخلف

:استني بس دا كان بيبصلي وكانه عاوز يكلني او ياخد روحي

:ودا مين دا بقي ان شاء الله

:معرفش انا شوفته واقف برا وانا مروحه وكنت بمد لابس جلابية سودة ووشه اسود وبيبرقلي كانه هياكلني

:لا والنبي علي اخر الزمن جاية تقولي بتتعاكسي الظاهرة انكت خرفتي لا دا انتي تنامي احسنلك

جاتك نيلة ولية منخوليا خالص

فتحت عيناها علي ضوء خافت قادم من خلف باب الحجرة

نهضت من الفراش وفتح باب الحجرة وذهب الي الصالة

:احنا امتي يا احمد

:الساعة11 ياما

: يادي الليلة الغم انا نمت كل دا اديني صحيت مفهاش نوم الليلة دي

ابوك فين ييابني لحد دلوقتي

:ابويا لسه مجاش من برا؟

انا داخلةاالمطبخ اعملك لقمة تكلها وانت بتزاكر املي دماغك علام واملي بطن اكل بدل ما تملي دماغك كلام فاضي وتسيب بطنك فاضية

تتركابنها وتذهب الي المطبخ مطبخ قديم وبه اثاث قليل

:يوه دا انا لسه زي ما انا ما استحمتش ولا اتطهر انا هخش الحمام ادلق علي نفسي شوية ماية

تدخل الحمام تخلع ملابسها تنظر الي المرأة المعلقة علي الحائط تلاحظ وجود خط اسود اعتلي وجهها كله

:ياحوستي اية دا دا اية الزرقان دا جه منين دا بقي

تتذكر قطعة القماشة الملفوفة التي وضعتها بداخل فم الفتاة الميتة حديثا حيث ان احدهم قد طلب من ان تضع هذا العمل بداخل افتاة من اجل ان تلد ابنتها بنت جميلة كتلك المرحومة .....هي تفعل ذلك من اجل المال ايضا وليس خدمة للشر فقط وانما هي ايضا (السمرا ) تغسل الموتي الحريم وتضع الاعمال لمن يريد مقابل مادي

في الساعة الثانية وقف ظابط المركز ومعه فريق من الطب الجنائي والنيابة لمعاينة الواقعة

:ساعة الوفاة تقريبا ساعة او اتنين بالكتير

هكذا قال احد افراد الطب الشرعي الواقفين خارج الحمام

:طيب وراي حضرتك اية يا دكتور يعني في سبب الوفاة

:والله من معاينتي للجثة سلمية خالص ومفهاش اي حاجة تدل علي الشبهة الجنائية هي كل الحكاية ان وشها كان باين عليه علامات الفزع والهلع والتخشب اللي كان وضع الجثة ولحد دلوقتي

:عاوز تقول اية يا دكتور ماتت من الخضة يعني هاهاهاهاهاهاههاهاااا

الثالثة

النداهة

من فضائل الصيد انه يعلم الصبر

امر رائع ولكن هل نتعلم فعلا؟؟

تصاعد دخان السيجارة من فمه مع سعلة هوجاء تتخيل انك فعلا تريد ان تصطاد في فبراير ولكن الطقس له راي اخر اليوم السماء معظم الشهر كثيفة الغيوم ولكن منذ خروجه للصيد وهو يبحت عن بقعة ليست معكرة ليست للسمك ولكن لمزاجه فهو يكاد ينفجر غيظا اذا مر عليه احد وهو يصطاد يظن انه يمنع الرزق من الميااه حسنا لن اصطاد اليوم ليس لمرور احدهم ولكن انها بعد منتصف الليل ويفضل العودة الي المنزل ولكن قبل ان يغادر مكانه لمح سمع صوتا

اي معتوه هذا يشرب مياة علي هذه الطريق المقفرة المقابر في اخر الطريق الممهدة لا يعبر احد هنا في هذا الوقت

يتسمر مكانه بمجرد ان راها تقف علي حوض المياة

هل هي حورية البحر ...انها ترعة كبيرة ولكنها لا تخرج ابدا حوريات فقط في البحر والمحيطات تلك الصهباء هل خرجت من شاشة فيلم قديم تنافس فيه مارلين مونرو

هل هذه هند رستم

اللعنة تاثير تدخين الحشيش في هذا الوقت مضرة جدا باعصاب الانسان وذو تاثير اد علي المخ وتسبب ايضا الضالالات والهلاوس

:لامؤاخذة بقي طفشتلك السمك

يالهي انها تتكلم حسنا هي ليست حورية بحر او قادمة من المقابر

:الجو برد عليك روح بقي

هو لا يتذكر كم سيجارة دخن ولكن الامر بحاجة اللي (طربة) ربما من اجل تحريك لسانه او نطقه بشئ

واخيرا

:اصلي بحب صيد الليل اوووي

تبتعد عن الحوض ساحبة منه روحه بكلامها ليس خوف ولكن هو مدرك انه ليس مسطول فقد صدم راسه بالحوض ناظر الي المياه في الحوض حسنا هذه دماء خارجة من راسي وها هي تسير مبتعدة

ماذا الي اين ماهذا متي جاء اللي عنا هذه الحجرة القديمة يذهب الي الحجرة يلف حولها

البنائ البطوب اللبن القديم حسنا انتظر

:استني رايح فين مش يمكن تكون النداهة؟؟؟؟

:النداهة تخدك وتنزل المية وتغرقك لكن دي..... دي علي البررررر

صكت اسنانه من الماء البارد وارتعدت مفاصله من البرد وقد غسل وجهه من الدماء ووضع المنديل مكان الجرح ماذا الان

:طب اخش وراها ولا استني بلطية وطالعة من المية لكن اية اللي جايبها هنا انا اول مرة اشوف الاوضة دي

مظهرها ملفت فعلافقد كانت حجرة تجاور النقالة القديمة زمن الري بالنقالات

فتحت وجدها تقف علي الباب وتنظر اليه

:انت لسه مروحتش برضه كدا هتبرد الليلة دي

شعر وكان لسانه قطع علق في سن خيط صنارته ولا يقوي علي الحراك او حتي نطق حرف شئ يضغط علي حنجرته شعر بخيط الدماء يسري علي جبهته تحسس انه الدم مكان الجرح

:بعد اذنك .......... انا راجع تاني

ذهب اللي الحوض لكي يعالج الجرح فلا يريد ان يفسد مظهره امام تلك الحورية او البلطية او حتي لو كانت جنية فهو قد ملكته شهوة قد تمدد بين قدمه وثبتته علي الحوض وينظر اللي المياة ويغسل وجه ويذهب اللي الحجرة لكي يظفر بها ولكنه لم يجدها تقف علي الباب يدخل اللي الحجرة علي ضوء لمبة جاز يري اربع مصاطب ومنقد نيران به خيط دخان بسيط حسنا هل كانت تلك الحورية تتدفي بتلك النيران

الحورية اين ذهبت

:الله يخربيت المخدرات علي سنينها السودة ااانا دماغي شكلها ساحت او تعبت من كتر الشرب نسوان اية اللي هتطلع في الجو زي دا في حتة زي دي في الوقت دا

انا هروح اشرب في البيت واستحمل النكد ارحم

وذهب اللي مكان جلوسه علي الترسعة لياخذ صنارته لم يجدها

:يادي المزاولة في الليلة الزرقا الصنارة شكلها وقعت في الترعة فقرررر

اانا قولت هو يوم نحس

اخذ كرسيه الصغير وحقيبته الصيد واشعل سيجارة

وقصد الطريق عائدا الي البلد

:مش ناسي حاجة ؟ً؟؟؟؟

نظر ناحية الصوت وجدها تنظر اليه مبتسمة و وممسكة بصنارته ملوحة بها تجاهه قد لمعت عيناها بشئ ليس حب هو يعرف تلك النظرة انها الرغبة

توجهر ناحية النقالة القديمة وتوقف اماما قائلا

:الظاهر الحشيشة دي فشتك ...بس وشها حلو

في صباح اليوم التالي من تلك الليلة

:صباح الخير يابا مسعد

:صباح الخير ياابراهيم ازيك يابني عامل اية؟

: الحمد لله يابا الحاج انا تمام انت ازي صحتك يابركة

:امشي نهوووون الكلب من الصبح عمال يعوي علي اخره جنب بير النقالة

: اه صحيح هو بيعوي علي اية علي الصبح كدا

يمشي باتجاه النقالة القديمة وينظر في اسفل البئر

:الحق يابا مسعد يا نهار اسود قتيل قتيل يابا الحاج

:قتيل اية يالا انت بتقول اية

يهرول العجوز ناحية الشاب وينظر في البئر

:لا حول ولا قوة الا بالله ودا مين دا استني اما اجيبلك حبل وتنزل تطلعه انا لله وانا اليه راجعون

ينزل مسعد الي البير حتي يضع قدماه في المياة يلاحظ الجثة الملقاة

:دا مكفي علي وشه ياحاج وشكله طب مرة واحدة

:طلعه يابني ينوبك ثواب

:الحق يا حاج دا طلع عاشور الصياد

الرابعة

السكة

تعد رحلة العودة اصعب من المزرعة للمنزل صعب بالنسبة ل(محمود )حيث انها طويلة ومملة الا في بعض الاحيان عندما يكو برفقة احد قد يسليه لبعض الوقت في الطريق

بدأ عبدالله في الكلام مع محمود

ممتعضا

:يعني انت عارف ان الموضوع دا بيزعله وبرضه صممت تتريق عليه

:بقولك اية هو اللي كان بيتكلم وانا يادوب قولته احكي

:ياخي بيزعل قولنالك مرة قبل كدا

:ياسلام هو انت مفكرني اصلا مصدق

ياعم تصدق آو لا عنك ماتصدقش أنت حر

: يعني اية كان ماشي باليل مروح تقابله ست تنده عليه يروح يكلمها يبصلها ويتخض وشعر جتته كلها يقع وايديه اللي مسكته منها متتحركش بعد 3 ايام هبل يعني احنا عشان نصدق

:البلد كها بتقول وعارفة ان دا حصل لعمك خالد من زمان حتي من قبل مااانا وانت نتولد

:بقولك اية متقفلنيش منك وسك علي السيرة دي وبلاش هم انا همد علشان اروح اانا جعان ياعم

:بخيالك بقي بس خليكك فاكر الحاجات دي اكبر مني ومنك

:روح نام يالا واستغطي كويس هاهاهاهاها احسن تبرد

قالها مازحها وسلك الطريق ناحية المعدية قاصدا المنزل حيث منزله يقع في اخر بقعة من البلدة وسط الاراضي والحقول

يخرج هاتفه يتصفح النت من اجل التسلية وقطع دابر الطريق المقفر

:يا محمووووووود

قطع تركيز في الهاتف الصوت الذي ناداه .... احدهم نادي علي اسمه ينظر حوله ليري من حالفه حظه وذكر اسمه حسنا سوف يحصل علي رفيق اخر يسليه في رحلة العودة

:محمووووووووووووووود

:مين اللي بينادي........ انت جاي ولا رايح ولا ظروفك اية يا عسل ؟!!!!

يتلف يساره ويمناه يبحث عن مصدر الصوت .... ما هذا من الذي يجلس في جانب الطريق انها سيدة متشحة بالسواد ما الذي اجلسها

:يووووه شكلها واحدة من جيرانا وهتقولي هاتي توتوك انزل بيه البلد وانا نازل مشورة علي اخر الليل

:محمووووووووووووووووووووووووووود

:ايوة ايوة ايوة ياست انتي مين خير اؤمريني ؟؟!!!!

قبل ان يقترب محمود منها توقف وقال محدثا نفسه

:هي عرفت منين اني محمود وهي قاعدة وضهرها للطريق

يقف محمود امام المراءة وينظر في وجهها عله يعرفها

تجمد الدم في عروقه ووقف مصدرنا كما رأه

كيان بني اللون عيناها مثل جمر النار المستعر وبقبضة يد بها 4اصابع طويلة مثل الملاعق السوداء

قبضت المراة علي يد محمود وتنظر له

مستشفي الصحة النفسية والعصبية بالجامعة

يدخل مجموعة طلاب يرتدون المعاطف البيضاء خلف طبيب اكبرهم سنا ويشرح لهم بعض الحالات

:وادي حالة غريبة جدا عندنا بقاله 3 سنين من ساعة ما جه هنا وهو لا بيتكلم ولا بينطق حرف طبعا اعراض صدمة نفسية شديدة

وأعرض مرض الذهان

:دكتور هو الحالة دي عنده كانسر ؟؟؟؟

قالها احد الطلاب الواقفون والمتابعين لشرح الطبيب

:اه تقصد يعني عشان مفيش شعر خالص في وشه ولا في جسمه لا هو مفيش عنده اي مرض عضوي خالص وضغط دمه ورسم قلبه سليم هو جه هنا في حالة صدمة شديدة وتشنجات بس مرة واحدة جاتله جلطة في ايديه اليمين بعد 3 ايام شعره وقع وبقي في الحالة دي

الخامسة

البريك

شاورما فراخ سطلة طحينة تومية باكت بطاطس بيبسي ماشين ... حضرتك تحب تاخد حاجة تانية مع الاوردر

:لا مشتكر جدا كدا تمام

:الحساب يافندم 65 جنيه بخدمة التوصيل... تحت امرك يا فندم

:اوك ميرسي

العفو يافندم شكرا لاتصالك

تيتييييت تيييييييييييييييت تييييييييييييييييييييت

نادرا ما انهي احد العملاء المكالمة معه اذا اتصل وطلب اوردر هو يكره العمل في خدمة الكول سنتر ولكنها الوظيفة المتاحة حاليا لان كلية اقتصاد وعلوم سياسة يتوظف بها اولاد السفراء او الوزراء او رجال الاعمال اما عمال المساجد ابنائهم من الكادحين مثل ابائاهم او يريد احد الناس ان يمرق عن دين الاباء

:بقولك اية انا هطلع اشرب سيجارة واجي خد بالك قبل ما علاء التنح يجي

قال ذلك لاحد زملائه في العمل هو يحب فترة الراحة لانهم ياكل فيها وجبته الاتية من المطعم محل عمله ثم فنجان القهوة الذي يعده له ساعي المكتب خلسة لانه كان صديقه في الثانوية

ثم ذهابه اللي الاعلي من اجل ان يدخن سيجارة اخذ قهوته وذهب الي الدور العلوي ينظر في الساعة حسنا انها العاشرة انها سوف تصعد الان السلالم وتمر باتجاها

:مساء الخير

تنظر اليه الفتاة في ود

ااانا اسمي كريم شغال كول سنتر جاركم في الدور اللي تحت .... ااانا كنت عاوز بس اسال حضرتك يعني لو بتحبي تتعاملي مع المطعم بتاعنا دا النبي وصي علي سابع جار

تنظر له في لطف وتبتسم

:عارفة انك شغال تحت .... انت بتيجي هنا كل يوم تقريبا

:بصراحة ايوة من ساعة ما ششوفتك وانا كل يوم باجي وبقالي سنة نفسي تردي عليا من ساعة ما اشتغلت

تضحك الفتاة وينظر مسحورة بابتسامتها الفاتنة

:الله اية الضحكة الحلوة دي

:طب بعد اذنك بقي عشان انا عندي عيد ميلاد اختي وزمانها مستنية جوه دلوقتي

:اه طبعا وماله اتفضلي كل سنة وهي طيبة

:وانت طيب يا كريم

لاول مرة يدرك انه اسم له وقع ونغم جميل من احدهم او له طلة مميزة عندما يخرج من بين شفاه احدهم

يبتسم ويشعر بالسعادة المطلقة التي تلت تلك المحادثة القصيرة وينزل اللي عمله تبقي 3 ساعات علي وح انتهاء الشيفت يشعر وكانها 3 سنوات تمر

حسنا انتهي الشيفت يفكر بالصعود مرة اخري ولكن يقف علي السلم ليفكر

:ااانا بقول مفيش احسن من الحلال صح كدا اانا هسال عليها وارح اتقدم ولمااروح اشور اختي وامي وهما اكيد هيرحبوا بالموضوع.... طيب اسال مين عنها بقي............ بسسسسسسسسسسسسسس مفيش غير عم عبداللطيف البواب هو اللي هيجبلنا قرار الموضوع

صحيح هو كشر واااتم ومش بينزلي من زور بس ان كان ليك عنده حاجة قوله ياعمي

:نازل يا استاذ كريم ولا رايح فين

ينتفض كريم من مكانه مذعوراااااا

:بسم الله الرحمن الرحيم .... اية ياعم عبده خضتني هتقطع خلفي ياعم انت مش تخبط

:اية شوفت عفريت

:لا ياراجل متقولش علي نفسك كدا انت حبيبي يا عووووبد.. بقولك اية انت مش هتجيب طلبات لعيد الميلاد

:عيد ميلاد مين

:عيد ميلاد الناس اللي فوقينا

:الناس اللي فوقيكم

:جري اية ياعم عبده هو انت شغال صدي صوت ايوة ياعم عيد ميلاد اخت الانسة القمورة اللي بتيجي الساعة 10 دي كل يوم الا صحيح هي اسمها اية بص ياعم عبده انا والله غرضي شريف وناوي خير ااانا

يقاطعه البواب :

: استاذ كريم الشقة اللي فوقيكم حصل فيها حريقة من سنة وراح فيها بنتين وكان وقتها فعلا في عيد ميلاد البنت الصغيرة انا معرفش انت جيبت الموضوع دا منين بس ميصحش كدا الناس دي ماتت بعد اذنك

يغادر البواب من امامه يشعر بانه انتقل الي سييبريا البرد يصفع وجهه ولكن الدم يغلي في مخه شعر كان معدته تتقلص للاعلي حسنا الدوار بدأ لعبته يستند علي السلالم يجلس علي السلم ينظر للاعلي يذهب الي الشقة يضئ شاشة هاتفه المحمول و ينظر الي الباب نعم هناك اثار لحريق وغبار وتراب مفحم علي الباب ناتج عن حريق

:اعوذ بالله من الشيطان الرجيم سلاما قولا من رب الرحيم

:ياعم عبده استني استني ياعم عبده

يركض علي السلالم ويقفز وينادي علي البواب يذهب الي غرفته البواب يطرق باب الغرفة في عنف مرارار وتكرارا لا احد يرد ولا هناك اي استجابة

يخرج الي الشارع

:والنبي يا عم يحي مشوفتش عم عبده

:عم عبده مين؟؟؟

يرد الكهل حارس الامن لدي الماركت الملاصق لهم

عم عبده يا عم يحي البواب

:لا حول ولا قوة الا بالله عمك عبد اللطيف البواب اتوفي من سنة تقريبا في الحريقة بتاعت الشقة اللي فوق المكتب بتاعكم كان راجل طيب وسمح الله يرحمه

:عاوز حاجة يا استاذ ............ انت يا استاذ تعالي هنا الله هو الجدع دا بيجري كدا ليه زي الاهبل

مستشفي الامراض العصبية والنفسية

دلفت الممرض الي العنبر

: قوم يا حسام عشان غير الملايات

قالها عم عبده ممرض العنبر الهرم

بعد تغير الملاءات الخاصة بالمرضى في الظهيرة

وقف يحي حارس الامن الخاص بالعنبر

: هو ماله الشاب دأ ياعم عبده

موجها حديثه الي الممرض

هييييييه دا يا عيني الشباب اللهم احفظنا دا مريض بقاله فترة هنا

: منا شايفه زي الفل اهو

: ال منا سمعت الدكتور عمر السيد بيقول انه مريض بحاجة اسمها

الكذب التخيلي

السادسة

السطح

قد تظن انك موجود ولكن الي اي مدي اانت متاكد من ذلك؟؟؟!!!

تجحظ عيناه من هول الصفعة التي تلقاها علي وجهه ليس المرة الاولي بل هي المليون

هو يعرف جيدا كف من هذه لطالما عرفها طيلة 13 عام

(نرجس)

مرات عديدة قد حلل اسمها علي مدار الاعوام هل هي رجس من عمل الشيطان

ام شئ نجس لا يجب الاقتراب منها لما قد تعاني منه

او هي جنس نظرا لما كانت عليه من انوثة محتفظة بها حتي بعدما تخط عامها الثامن والاربعون او علي الاقل هو تفسيره في بعض احلامه لا ليست اليقظة هو لا يجرؤ علي التخيل فقط وهي واقفة امامه والا مصيره معروف معاملة الكلب

لماذا كل هذا الامر بسيط

هل تعرف ماهي زوجة الاب

نعم هي شئ معروف خلف لام ربة لمنزل زوجة لرجل فقد امراته او طلقها او حتي ابقاها علي ذمته وتزوج بها

ولكن في النهاية هي كابوس لاحدهم

:وليك نفس تشرب كمان يابغل ؟؟؟ ساعة علشان تروح مشوار وساعة علشان تيجي مشواروطبعا مجبتش فلوووس كمااااان هو انا هصرف عليكم كمان دا غلب اية اللي اتحدف عليا دا؟

غور من وشي جاتك داهية فقر وشبه البومة

تدخل حجرتها في عصبية وتصفع الباب مع بعض الكلمات الغير مفهومة عن والده او والدته او حتي اخيه

لا يعرف اي ذنب ارتكبه هو او اباه او أمه

مضي علي رحليها 13 عام يتذكر عنها انها كانت امه اليس كذلك ان يعيش انسان وهو يتذكر ان هناك شخص وبالكاد امه هذا جيد ولكن في بعض الاحيان يجب الا يكون

حسنا بما ان اباه كان له ولد اخر ورجل لايقدر ان يعيش ويقوم بتربية ولدين حسنا فلا بد من زوجة

ولكن لم تذهب نرجس الا لشخص لم يقدر ماكان فيه ويركل نعمة بقدمه من اجل انها نرجس

توفي الاب وهو في العاشرة الان يخرج من مدرسته نظرا للظروف الاقتصادية التي تمر بها البيوت حال فقدان الاب الام تدعم ولو كانت نرجس حسنا قبل ذلك قلنا انها رجس لا تفعل الصواب او غير موجود في احد اهتمامتها ولكن علي الاقل هناك حسين الاخ الكبير بفارق 5 سنوات هو يعمل بورشة علي الطريق نعم حاول هو ان يجرب الامر في الورشة في السنة التي تلت وفاة والده ولكن انتهي به الامر في خلال اشهر وقد فقد احد عينه علي يد اخيه نتيجة قذفه بمفتاح في وجهه نعم قد تندم علي ذلك إذا حاولت الامر مع اخيك ولكنه قال انه كان يلعب بمسار وقد فعل ذلك لنفسه وسار الامر علي ذلك

يري نصف كل شئ من العاشرة ايضا يذهب خارج المنزل فهو لا يعرف ماذا يفعل كلما عادت الصفعات او تكررت إهانته مع تذكر الامر سوي ان يذهب اللي السطح ان يسند ظهره اللي الحائط الاعلي فوق السطح وشاخصا بنظره اللي السماء تري هل تنظر له امه كما اخبره اباه حسنا اذا كانت تفعل ذلك

:انا جعان اااه والله بقالي 3 ايام مكلتش مش راضية تاكلني يا أمي

هو لا يبكي فقط ينظر

:ااااااااااااااااخ مش هترد المسافة بعيدة ياغبي

لقد تذكر سوف اذهب اللي المقابر واشتكي لها فهي تكون قريبة في قبرها

لطالما حكت له بعض من نسوة الشارع جارات امه القدامي وبالاخص

خالته زينب هو يدعوها كذلك لانه يتذكر جلستها مع امه امام البيت

:طيب ما اروح وخلاص دلوقتي

:لا باليل ميصحش نزعجها دلوقتي

:خلاص هجيلك باليل

حسنا الطريق اللي المقابر ليس طويلا ولكن حالما تدخل اليها ناظرا الي المقابر علي اليمين واليسار والاشجار التي تمنع ان تري كف يديك في الظلام في هذا الطريق تجعل منه مكان اشبه بقصص الرعب التي اذا قرئتها قد تصيبك برعب نفسي

حسنا انت بتخيلك للمنظر هذا تعيش احداها

قصد قبر امه وهو لا يدري هل يجلس هناك يبكي او يشتكي او يذهب ليتحدث ثم يذهب اللي البيت

حسنا سوف اذهب لاتكلم ثم اغادر

:انا مش هغيب اقعد شوية وهروح علي طول

وجد نفسه بعد مشقة وصل الي قبر امه الجو معتم ومظلم ولكنه يستأنسه بشخص كان قد عرفه

:ااااااااااازيك يا اماه عاملة اية كويسة يارب تكوني بخير

اكيد طبعا بخير علي اللي شوفته منك في حنية وطيبة مضايقتيش حد في دنيتك طبعا محدش هيقدر يضايقك وانتي هنا

الا صحيح هي المقابر سموها كدا عشان بتقرب الناس من بعض

طيب لما هما قريبين اية اللي يخليكي بعيدة

انا كنت جايلك عشان اقولك اني جعان ومش لاقي حد ياكلني اه والله

نرجس مش مخلية لقة تخش بقي بقالها 3 ايام وحسين يجي ياخر الاكل في الاوضة فوق ياما وميرضاش ياكلني ليه ياما بقي

عارفة ااانا مش جعان خالص دلوقتي طالما اتكلمت معاكي

منا محدش بيسمعني خالص ايوة من يوم ما متي وانا مش بتكلم مع حد

ولا لاقي حد اشتكيله

انا هروح بقي انام ونفسي اشوفك في الحلم

يلا سلام عليكم

يغادر المقابر ويذهب اللي البيت يتسلل الي المطبخ

ما هذا حجرة نرجس لا ضوء هناك إذا فهي قد نامت !؟؟

من الممكن لا يسمع اي حركة في المنزل وكان باب المنزل مغلق حسنا سوف اكل الباقي من الطعام وانام

:اية ياما دا ااااكل لحقتي والله انا كنت جعان كترالف خيرك حنيتك جابت من الترب لحد هنا

يبدأ بتناول الطعام لم ياكل كثيرا خشية ان تستيقظ نرجس وتجعل من ليلته جحيما مسرحيا مهيبا

تسلل الي السطح ليجلس قليلا

حجرة حسين بها ضوء خافت لابد انه سهران بعدما اكل ورجع من شغله ليريح جسمه ودماغه كما يقول

لحظة هناك صوت قادمة من الحجرة غير حسين

اذهب

:لا بلاش ااخر مرة حدفني بالطفاية في صدري

لكن الفضول سيد الموقف

خيفة تسلل نظر من خلف الشيش

تذكر مشهد قد راه في الفيديو عند رفيق جارهم

حينما قال له

:شايف النسوان بتنور ازاي قدامك ولا انت مش بتحس كمان هاهاهاهاها

من نافذة الحجرة قد شاهد هذا المشهد من قبل ولكنه حقيقة الان اللعنة لماذا جسد نرجس ينضح بهذا العرق جسدها ناصع البياض

ولماذا يقبض حسين علي خصرها بكلتا يديه هل هي مريضة

:الاتنين مع بعض في فرشة واحدة يا مغفل ...

:اية دا مش معقول اكيد بحلم وهقوم دلوقتي

: عشت طول عمرك جعان ومحروم من الفلوس والاكل حتي لما اختار راجل بصلته هوكانت بتعين الاكل واللبس ليه وكمان نفسها

لم يكن يدري متي وصل للمقابر ثانية من اجل القرب من قبر والدته ولكن هو مغيب او مسحوب تلقائيا من مباغتة المشهد والذي شاهده

:اتفضل تعالي اشرب شاي

انتشله الصوت من رحي التفكير التي عصفت براسه نظره اليه

:اية اللي مصحيك لحد دلوقتي دي الساعة 1 .... تعالي اسقيك شاي تعالي

جلس امام النار ناوله الخفير كوب الشاي هي نقطة حراسته كشك الكهرباء المسؤل عن الجهة الغربية من البلد بجوار برج شبكة الهاتف المحمول

:طب انا سهران عشان خاطر حتة حديدة و 1500 جنيه عمي في الشهر انت بتنيل اية في ساعة زي دي

نظر اليه وتطلع الي البندقية التي بجواره

........................................

طرق علي بيت العمدة بشدة

: مين اللي بيخبط

:الحق يابا العمدة مصيبة

:خير يا هباب البرك علي المسا في اية يابوز الاخص

:الحق ياحاج الحق

:ماتنطق يابني في اية؟؟

:نرجس مرات ابراهيم الترزي والواد حسين ابنه

:مالهم ؟!!!! جرالهم اية

:استغفر الله العظيم الناس لاقوهم الاتنين ميتين ومضروبين بالنار وهما في فرشة واحدة والعياذبالله الواد حسن ضربهم بالنار وبعدين رمي روحوا من علي السطح طب مات

: حسن مين ياولا؟؟؟؟!!!

حسن يابا العمدة اخو حسين....الواد حسن الاخرس

طرقت منال علي الباب واتاها صوت من الداخل

:أدخل

:صباح الخير يا دكتور فؤاد

:صباح الخير يا دكتورة ازيك

:الحمد لله تمااام..... عندي ليك خبر يا دكتور وحش علي الصبح

: اااه اكيد تقصدي الحالة 71اللي شغالة معاها

:ايوة بالظبط انا تعبت جدا يا دكتور

يتحرك دكتور فؤاد ناحية النافذة وينظر الي مريض نحيف يجلس علي كرسي متحرك اصابه الهزال والضعف واحدي عينيه السلمية شاخصة الي السماء

:للاسف يا منال حسن عنده اضطراب ثنائي القطب وحالة متقدمة جدا من الانفصام تقريبا اتصاب بيها من بعد وفاة والدته

:ايوة يا دكتور بس كان مكتوب في محضر الشرطة انه قتل اخوه ومرات ابوه عشان شافهم في وضع وحش مع بعض ورمي نفسه من فوق السطح

: ايوة صح بس متنسيش انه قتلهم قبل ما يرمي نفسه بحوالي سنة تقريبا لما بدأت حالة الفصام تزيد وتتدهور

:بس هو مش بيتكلم نتيجة للانفصام ولا من اضطراب ثنائي القطب

: لا دكتورة حسن مش بيتكلم بسبب نفسي

غالبا بعد وفاة والدته

السابعة

المكتبة

:كلية تربية معاك ياسطي

:تربية معاك ياسطي

:يلا تربية اللي نازل

هبط عماد من سيارة الاجرة ودخل الي المبني الجانبي من كلية تربية

الثامنة ليلا في ليالي يناير تعتبر من اشد ليالي العام بردا و قسوة

يدخل الي حجرة الامن الخاصة بافراد الامن

:مساء الخير يا عم ابراهيم

: مساء الفل يا عمدة.. عامل اية في البرد دا

: الجو رصاص رصاااص يا مقدس انا جتتي مش حاسس بيها تقريبا كدا هنموت الاسبوع دا من البرد

:هاهاهاهاهاهاهاهاها بعد الشر عليك اجمد اومال عشان ربنا يعينك

:والله ربك بيقوي ويعين ياعمنا عشان نلم قرشين

عماد خريج اداب اثار يعمل صباحا في مطعم حتي الثانية ظهرا

ويعمل فرد امن في الكلية زيادة لدخله ثلاث ايام في الاسبوع لمدة 12ساعة في الشيفت بمقابل زهيد من المال

من اجل اعاله نفسه و أمه وشقيقه الذي يدرس في الثانوية

:مش هتعملنا قهوة انا من الصبح مشربتش

قالها العجوز

:يا عم ابراهيم انت بتشرب القهوة وتناااام وتسيبني احتاااس في الشيفت

:يابني العضمة كبرت والدماغ كهربتها وطيت بقي

ضحكا الاثنين حتي بانت نواجزهم

:طيب انا هعمل كوبايتن وهروح اتمشي شوية في المبني حبة همبكة كدا عشان الطلبة اللي لسه راكنين في الطرقة او في الجنينه

:روح يا بني ربنا يقويك... سيبلي سيجارة بقي من علبة الغالية دي

:يعني انت صدرك بيوجعك من البرد ومش بيوجعك من السجاير يا ابو خليل

:اومال مش لازم تكمل الواجب للاخر هات سيجارة نعفرها مع القهوة

:خود يا حاج احلي سيجارة

يدلف عماد الي المبني الاساسي للكلية قد تم ترميمه من فترة ليست بالبعيدة قد تشااهد تفاصيل المعمار القديم من البهو الرئيسي والاسقف العالية والنوافذ الشاهقة المبني شأنه شأن القصور التي تحولت لمدارس او مباني حكومية

ولكن قد تم افتتاحه في الخمسينات بعد تاميمه واصبح

كلية التربية

في احدي محافظات الإقليمية

السهر ممتمع احيانا في العمل ولكن لليالي الشتاء رأي اخر فهي تطالبك بالدفء برغبة ملحمة

:اوووووووف علي الجو انا عاوز اميل شوية هنا او هنا اشرب السيجارة مع كوباية القهوة انا مفاصلي ساحت علي بعض من البرد

قالها عماد مناجيا نفسه في البهو الفخم جلس بجوار عامود واشعل سيجارته ورشف من القهوة

يتفقد العمود الذي امامه يحمل رونقا ملكيا من التعلي والاسفل

ولكن في المنتصف يري بعض التذكارات بالقطع ليس ملكية او أميرية او لاحد من القصور القديمة

ولكنها بالمجمل كانت ذكري احمد مع مني وياسر مع هناء وقلوب يخترقها أسهم هناء مراد وهناك ناهد

وبعض تواريخ للذكري

ابتسم عماد وتذكر وفاء رفيقته في الكلية

كم كان يحبها وشهدت اروقة الكلية بعض من التذكارات بالأقلام الجاف والرصاص للحب والشجن والإخلاص كلها جيدة ولكن تنتهي حينما يعود جارهم من الخليج والذي يعمل غالبا عامل هناك

مما يساعذه علي الزواج والارتباط

اما عماد

فانتهت قصته معها برسالة حزن ووداع وفراق علي صفحة الرسائل في الفيس بوك

وحينما نذكر لحظات الفراق علي الانترنت فهنا نأتي الي هادم اللذات ومفرق الاحباب

الحظر او ( البلوك).

تذكر عماد هذا الماضي القريب وابتسم في وهن

واخرجه من شروده وذكرياته صوت قادم من المكتبة

وقف عماد واقترب من الباب يلمح ضوء قادم من نافذة الشارع

علي الضوء الخافت نظر عماد حوله

الكتب علي الارفف والتنسيق والكراسي حول المنضدة مشهد يتجلي فيه عظمة الكتب وقوة المعرفة

قديما والان وغدا تبقي الكتب والقراءة

من اثمن واقيم الاشياء والموجودات

: بتحب الكتب

صعق عماد من الصوت

: بسم الله الرحمن الرحيم

نظر وراءه ناحية المكتب وتجاه مصدر الصوت

صوت انثوي رقيق اقترب عماد علي اضاءة الاباجورة فوق المكتب وجدها عماد

:بقولك بتحب الكتب

قالت له المرأة

: ايوة بحبها جدا

:الكتب اللي هنا أصغرهم عنده 50سنة

:باين عليهم

ابتسم عماد وأخذ يدور على المنضدة ليتمكن من رؤيته دون خجل

وجهها أبيض ذو فم صغير الشفاه الرقيقة كحبتي من الفراولة

ولكن في عينيها زرقة غير طبيعة كتلك آلتي تشاهدها في المحيطات او السماء الصافية الخالية من الغيم والسحب فوق هذا الوجه الملاكي الصفات شعر كليل دائم مرسل فوق كتفين

ترتدي بلوزة بيضاء وتنورة زرقاء

لوهلة ظن عماد أن تلك لوحة من لوحات التي توجد في الردهة او البهو

:هو حضرتك بتعملي اية هنا لحد دلوقتي

سالها عماد وعلي وجهه تقاسيم الخجل :

انا هنا عشان بحب الكتب:

ردت بثغر باسم

صمت عماد وتظاهر بأنه يتصفح كتاب موضوع على المنضدة

:طيب بعد إذنك

قالها عماد وأتصرف مغادرا المكتبة تاركا الفتاة وبعض من لبه الذي قد خطفته تللك الجميلة

ربما هي اميرة خارجة من إحدى قصص ألف ليلة وليلة ويالها من ليلة

:ممكن تكون طالبة من اللي بيحبو الكتب ودودة قراية انا مالي انا شوية وهروح اقولها علشان اقفل واروح لعم ابراهيم اللي زمانه في سابع نومة

صعد عماد الي الطابق الثاني على السلالم الرخامية البيضاء داخلا الي الردهة الواسعة تضم 14حجرة 7 علي كل جانب في المنتصف ناحية الحديقة توجد القاعة الرئيسية

تحقق عماد من الحجرات جميعها وحينما هم بنزول الدرج سمع صوت قادما من القاعة الرئيسية خمن الصوت و استنتج انه صوت البيانو

فالقاعة تحتوي علي بيانو علي المسرح يقال انه كان لابن صاحبة القصر

ولكن اللحن الذي يعزف اخذ في الارتفاع

: ودا مين اللي مفكر نفسه عمر خيرت وبيقسم وبيلحن

انت ياعم بليغ يا حمدي

القاعة مظلمة ينظر تجاه البيانو

يجده بجواره شمعدان وعلي لمعة ضوءه ظهرت ملامح وجهها استند عماد علي باب القاعة يستمع لهذا اللحن لايعرف اين قد سمعه من قبل

انتهت المرأة من العزف

:براااااافوووووووو

صفق عماد مبتسما

نظرت له بود و عيون مستبشرة

:اية رأيك

قالتها ممازحة

:الوقت أتأخر ولازم نقفل القاعات

نهضت من علي البيانو ممتعضوغادرت القاعة

ذهل عماد من رد فعلها

: اية الجنان دا دي شكلها زعلت

يعني يا بني ادم حد يزعل حد زي القمر كدا

دخل عماد الي حجرة الأمن

وجد رفيقه في الوردية نائم

:اية ياعم ابراهيم انت بتتاجر في النوم

قالها وااقي بجسده علي السرير المقابل له

بعد منتصف الليل كان عماد يستمع الي (ام كلثوم) علي احدي القنوات

حينما سمع صوت اقدام في الحديقة المواجهة للمبني الرئيسي

خرج ليتفقد المبني والحديقة ولم يجد احدا

: دي شكلها قطة دفيانة وعمالة تتدنجل

حينما هم عماد بالعودة سمع صوت البيانو

: اية دا في اية هي رجعت تاني ولا اية

هرول ناحية المبني وصعد الدرج ومرق من الردهة الي القاعة حينما دخل عماد الي القاعة كان قد توقف صوت البيانو

: الساقعة شكلها لحست نافوخي

حدث نفسه عماد

ونزل من علي المسرح وترك البيانو و عند مدخل القاعة سمع حفيف الستائر اعلي المسرح وقف واشعل بطاريته تجاه الصوت وخرج الي ماوراء الستار ولكنه لم يري شيئا

:الظاهر الهوا بيلاعب الستاير اكيد دا الجو يقلع البني ادم من الارض

تحرك ناحية النافذة لاغلاقها

حينها تسمر في مكانه وقد توقف سريان الدماء في عروقه

علي الجانب المقابل تحديدا في المكتبة لمح امرأة عجوز واقفة من خلف النوافذ الزجاجية شاهرة يديها الي الامام وكأنها تستجدي عطف أحدهم وحينما اطال النظر وجد ان احدهم يهددها بمسدس وقد رفعه في وجها

:ياليلة مش فايتة اية دا

……..

المملكة العربية المتحدة ( مصر)

10 / 5 /1948

عزيزي عمر

اكتب اليك خطابي السادس

للاطمئنان والسؤال عن أحوالك

كيف حالك يا كل حالي بلغتنا الاخبار ان الحرب علي وشك الاندلاع في فلسطين

ارجو ابلاغي ومراسلتي لأطمن عليك

اريد ان احيطك علما بان الحرب علي وشك الاندلاع بيني وبين أبى من اجل زواجي بالنبيل يوسف طوسون

تعرف جيدا ان ذلك لن ولم يحدث الا علي جثة الهامدة

ولكن أبى يضغط ويحاصرني بالاجبار والقطيعة

ولو عرف ان ثمرة حبنا داخل أحشائي منذ شهرين فعلي الارجح قتلي امر لا مفر منه

واني لمرسلة لك هذا الخطاب لتلقي لي يد العون والمساعدة علي تخطي هذا السجال والنزال

ارسل لك خطابي من داخل محراب عشقنا و مهد غرامنا الأبدي من المكتبة

المخلصة لك للأبد

ن. م

----------

أطفأت الشمعة التي كانت امامها واستسلمت لدموعها التي كانت تذرفها علي الخطاب لا تدري هل كانت علي عشقها او حبها له او رعبا من ابيها والعائلة

حينما التقطت اذنيها صوت في الردهة ونظرت ناحية باب المكتبة فوجدت مربيتها تدخل عليها وفي يديها الشمعدان للانارة

: انا قولت اني هلاقيكي هنا

ابتسمت مربيتها اغلقت الباب ودخلت اليها وازاحت كرسي وارتكنت اليها

: اعمل اية يا دادة مش قادرة و حاسة اني ضعيفة ومش لاقية روحي

: متقلقيش سموك كلها كام يوم ويرجع

: يارب يا دادة انا حاسة ان روحي هتطلع قبل ما اشوفه دي الحرب هتبتدي واحتمال يسافر مع الجيش

:لا متقلقيش انا سمعت ان الكتيبة بتاعته مش هتسافر

: يارب يا دادة يااارب

عاودت دموعها للنزول مرة اخري

اقتربت منها المربية وربتت علي كتفيها قائلة

: اية دا ميصحش سمو الاميرة تبكي كدا دولة الباشا لو دخل ولقي الوضع كدا ممكن يشك والموضوع يتعرف

هبت واقفة وعلي وجهها علامات الفزع

: بتقولي اية ؟!!! مستحيل

: دا ممكن يقتلني ويحاول يؤذيه انا مش ممكن أسامح نفسي لو حدث أي مكروه

وغادرت باكية الي حجرتها

وهرعت وراءها المربية

دخلت والقت بنفسها علي السرير و شرعت في البكاء والنحيب

تحاول تذكر علاقتها وؤيتها له في حفل ضباط الخيالة الملكية

ومقابلتها له في سباقات الخيل

وأيضا وجوده في القصر لدي والدها الاقطاعي الكبير والمصرفي المسؤل عن ادارة دوائر السرايا الملكية

تتذكر مواعدته لها وجلوسهم في القصر

بالأخص في المكتبة عن عشقه للكتب ولها

عن ولعه بزرقة عينها

عن هيامه بعفويتها وضحكتها الطفولية

عن وقوعه في خضم حديثها الشيق عن الشعر والأدب

عن وقع مناداته لاسمها

نارون والذي يعني بالفارسية أميرة الضوء

وقفت باتجاه النافذة وجففت دموعها وابتسمت حينما لاح لها صورته في انعكاس المرآة

حينما صارحا متيما بها قائلا

: انا بحبك يا نارون

ركض عماد خارجا وقصد الدرج لاسفله

وحينما انتهي من النزول

دوي في المبني صوت إطلاق رصاص ارتعدت فرائصه فزعا وفقد قدرته علي الحركة وشعر بدوار خفيف

جف حلقه وتوقف عقله حتي عن التفكير

الدوار مستمر في رأسه يتجرأ ويخطو للامام قاصدا المكتبة

جحظت عيناه واهتز جسده فزعا حينما باغته دوي الرصاص مرة أخرى H

فأطلق ساقيه للريح باتجاه الردهة للمكتبة الظلام دامس

لا يوجد احد

أشعل بطاريته وبدأ البحث والتفتيش في المكتبة

يدور حول المنضدة لا يوجد احد

: أعوذ بالله من الشيطان الرجيم

آنا لازم أصحى عمي ابراهيم

خرج من المكتبة الي المبني الرئيسي

تنامي الي اذنيه صوت موسيقي

توقف للاستماع هل هذه هلاوس ام المبني مسكون بالشياطين

هل فقد عقله

ميز الصوت انه صوت انثي تغني وتقريبا الكلمات فرنسية ولكن من أين ؟!!!

القاعة الكبري الصوت قادم من القاعة الكبري هرع الي القاعة في الركن لم يجد المسرح ولا البيانو ولا المدرج

تحرك واشعل البطارية لا تستجيب الضوء متقطع

وفجأة تجسد في الركن ضوء اثار جانبا من القاعة نظر اليه أنه لهب

المشهد يزداد وضوح

يخيل اليه انه يري مدفأة في مقابلها يجلس علي كرسي هزاز رجل يبدو عليه الجاه والارستقراطية

وفي يديه كأس من الخمر وامامه الزجاجة الكريستال تتلألأ علي ضوء نار المدفأة

يرتدي حلة سوداء كالتي نشاهدها في الافلام القديمة

……………………

فاضت عيونها بالدمووووع لمرة اخري

: أرجوكي يا دادة ساعديني

:انا طول عمري جنبك

ابتعدت نارون عن المرآة و اقترب من المربية

:انا خطاب منك طلب وأمانة لازم تعمليها يا داداة

:اؤمريني أمر يا قلبي آنا تحت أمرك

:انا هديكي حاجة عشان تعمليها بكرة الصبح

:من النجمة يابنتي كمان مش هستني الصبح

: هتخدي الجواب دا وتوديه اقرب مكتب البوسطة

مش عاوزاه يتبعت مع بوسطة القصر

:وماله احسن وكدا أمان عليكوا

شهقت نارون فزعا وخيفة واصغر وجهها

: مالك لونك اتخطف كدا ليه

قالت المربية لها وهي تشاهد ارتسام إمارات الهلع والرعب على وجه الاميرة

: الجواب يا دادة الجوااااب

:هو فين

تسائلت المربية وبدأ الشك يساورها

:الجواب آنا نسيته في المكتبة

صرخت نارون صرخة رعب وقهر

خرجت المربية من حجرة الاميرة تركض وهي هائمة يتصاعد صدرها من ضربات قلب قد ينفجر من الخوف علي الاميرة التي تولت رعايتها من قبل ولادتها وبعد وفاة والدتها الي الان

فتحت باب المكتبة عنوة

لتصرخ في فزع

حينما رأت الامير منير جالسا علي الكرسي الي المنضدة وبيديه الخطاب الذي قد كتبته نارون بيدها

:سمو الامير

خرجت الكلمات من فمها المترتعش متقطعة

نظر إليها شذرا وبعينين يملأها الغضب والجحود

:بتدوري على اية يا دادة

هي دي الامانة آللي اتكلفتي بيها يا ليلي

:سمو الأمير أنا.... صدقني آنا معرفش معاليك بتتكلم على اية

اخرج مسدسه واشهره في وجهها

:انا متشكر ليكي على خدماتك الجليلة

وضغط علي زناد مسدسه ودارت الساقية لتخرج رصاصة من فوهة المسدس لتخترق رئة المربية فتخر علي الارض صرعا

تسمع نارون صوت إطلاق النار فتهرع الي المكتبة

حينما تدخل تجد المربية علي الارض جثة هامدة

والدماء تصل الي مدخل الباب

دااادة:

صرخت نارون برعب

: ليلي عاشت هنا 50سنة وسبب وجودها هنا انتي

ولما تموت تموت بسببك يا نارون

أتاها صوت والدها وهو يقف بجوار النافذة وهو ينظر إليها بود وابتسام

تمشي بجوار المنضدة وتنزل على الأرض و امسك بيد نارون و رفع الخطاب في مواجهة عينها

: بعد العمر دا كله والتربية دي نارون بنت منير باشا تتجوز من ولاد الفلاحين

ويوم اما يبقى ليا حفيد يبقي نتيجة خطيئة

قالها بانكسار و بذل خرجت منه الكلمات

كفت نارون عن النحيب والبكاء

وقفت نارون في مواجهة والدها

: انا عمري ما هتجوز النبيل يوسف ولا هحبه

انا بحب آللي قلبي اختاره ومستعدة أبيع نفسي علشان الحب دا

انت تقدر تحب حد او حتى قلبك يقدر يفهم دا معتقدش يا بابا

و أخذت المسدس من علي المنضدة واطلقت على رأسها رصاصة

أنهت بها حياتها على الفور وسقطت بجوار المربية

ناروووون :

صرخ بها والدها

وسقط على الأرض بجوارها يبكي ويحتضن جثتها وقد تساقطت عبراته على رأسها ولطخت الدماء حلته السوداء

وقمصيه الابيض انحال لونه بلون الدماء المخضبة

نهض منير باشا من علي الارض حينما رأي الخدم الخاص بالقصر واقفين امام الباب بعضهم يبكي والاخر

ارتسمت علامات الدهشة والفزع علي وجوههم

خطي علي جثة المربية و جثة نارون وذهب الي الباب خارجا من المكتبة واغلق الباب وراء و سار فالردهة

دخل القاعة التي يوجد بها البيانو والمدفأة

فتح الجرامافون ووضع به اسطوانة وبدأت الالحان والموسيقي في الانغمار والارتفاع و جاء صوت المغنية الفرنسية من علي الجرامافون ذهب الي البار واحضر زجاجة الخمر وجلس امام المدفأة

قرأ الخطاب للمرة الأخيرة

والقاه في نار المدفأة

امسك

بالمسدس ووضعه داخل فمه وأطلق رصاصة اخترقت رأسه ليتناثر مخه علي الكرسي والدماء تطايرعلي المدفأة

=============

يدخل الي مكتبه يطلب قهوته علي الريحة كالمعتاد ويبدا في التفكير

قد طلبت منه دار النشر التي ينشر لديها رواية من اجل معرض الكتاب وهو مطالب بذلك منذ مدة ولم يخط فيها سطرا واحدا

في الحديقة يري شاب أصلع يجلس بجوار عمود منزوي ومنطوي علي نفسه

يخرج القلم ويبدا يدون بعض الكلمات

يرن الهاتف معلنا عن قدوم رسالة علي الواتس

محتواها ( ارجوك حاول تساعدني الوقت اللي باقي مش كتير)

ينظر الي العمارة المقابلة ويري شاب الكول سنتر من خلف النوافذ الزجاجية الخاصة بالمطعم

الجووع يباغته ويضغط علي معدته مطالبا بوجبة

رن هاتفه المحمول

بنغمة كيفك انت للسيدة فيروز

يبتسم لانه يعرف صاحبة الاتصال

انها هاجر زوجته

ينظر الي الشاب ويفكر ويبدأ في الكتابة

حينما ينتهي من فنجان قهوته الاول ويطلب الثاني معه السجائر يدخل عليه حسن الاخرس عامل النظافة

وينظر الي قدمه التي يعرج بها

ويبدأ التدوين بالقلم في دفتره مرة اخرذ

حينما ينتهي من الكتابة

يخرج الي الشرفة

يري السايس الخاص بالجراج وهو يركن سيارة وفي يده سيجارة الحشيش و يلتفت مغازلا النساء من حوله

علي الجدار الاخر

توجد صنارة الخاصة بالصيد

حينما ينتهي تتصل به هاجر تشتكي من ام ابراهيم او ( السمرا) المسؤلة عن نظافة البيت والتي لم تاتي ورغم ان هاجر تحاول الاتصال بها من الأمس

أتصال مكتب العميد والذي كان صديقه في الدراسة

يستدعيه من أجل مشكلة طارئة

ولكنه يكرهه لتملقه ونفاقه ووشاية بزملاءه في الكلية وهيئة التدريس

من الخارج علي الباب الافتة المعلقة

الدكتور موسي عميد الكلية ... يخرج ممتعضا ومكروها من اثر اللقاء الي خارج الكلية ليتناول الطعام

خارج المطعم يري سيدة تنادي

يا همممممت

يحزن على بكاءها و حزنها اليد أن مصيبة قد المت بها

حينما يدخل من البوابة يسمع صوت ضحكات

ينظرباتجاه الصوت يري فردين من الامن

هو يعرف العجوز يدعي ابراهيم

والاخر تم تعينه قريبا

يسمع الدكتور أحدهم ينادي الشاب

يا عمااااااااااد تعالى علشان تمضي عشان تستلم النبطشية

يرن هاتفه المحمول هاجر تتصل به

ها لاقيتها ولا لسه

ايوة لاقيت الرواية وخلصتها

ياه بالسرعة دي

لما أجيلك هحكيلك علي كل حااااااجة

انا كنت خايفة اوي بسبب الكتاب دا

هو في دكتورة أمراض نفسية وعصبية تخاف برضه

يعني قليل من الخوف

عمر انت مش بترد ليه

انت حالا دلوقتي الهمتني لاسمها

طبعا طول عمري

طيب اما اجيلك هحكيلك التفاصيل كلها

يخرج هاتفه المحمول

ويفتح تطبيق المدونة ويكتب في صفحة بيضاء جديدة في الأعلى وفي منتصف الصفحة

القليل من الخوف

بقلم. د / عمر السيد

يخرج من الردهة باتجاه الحديقة

ووراءه لوحة عريضة وشاهقة

تحتوي على برواز اثري

حينما وقفت ثلاث فتيات بجوارها

في نفس السن تقريبا

قالت أطولهم

ودي صورة مين دي

مش عارفة بس شكلها حلو أوي تقريبا

طيب تعالوا نأخذ سيلفي

في الخلفية

تظهر اللوحة المرسومة لتلك الفتاة في غاية الحسن والجمال

وتحت البرواز علي اليمين

قد كتب بخط فارسي جميل

الاميرة نارون منير

النهاااااية.....

تمت........

الكاتب / سيد السعيد أحمد

01205215075

omarelsayed4422@gmail.com

بحث هذه المدونة الإلكترونية

المخوفاتي

القليل من الخوف

تعليقات

إرسال تعليق

المشاركات الشائعة من هذه المدونة

أطفال ميريديث

اميليا داير

جوزيه ميثيني